Kona-ba Programa

KDU fó oportunidade ba komunidade atu hetan asesu ba kreditu mikro ne’ebé seguru, justu no inkluzivu liuhosi sistema gestaun finanseira ne’ebé transparente no responsável. Programa ida ne’e kria atu apoia membru sira hodi hetan kapital ki’ik ba negósiu, família no nesesidade emerjénsia, hodi promove kresimentu ekonomia ne’ebé sustentável.

Kooperativu Dezenvolvimentu Umanu (KDU) harii ho objetivu atu fasilita asesu ba kreditu mikro, apoia dezenvolvimentu negósiu ki’ik, no ajuda família sira atu aumenta sira nia rendimentu. Liuhosi sistema ida ne’e, KDU hakarak kria oportunidade finanseira ne’ebé justu, inkluzivu no responsavel ba komunidade tomak.

KDU mos fó prioridade ba edukasaun finanseira no utilizasaun kreditu ne’ebé responsável, atu membru sira aprende oinsá uza empréstimu ho di’ak, planeia pagamentu, no evita risku finanseiru iha futuru.

Objetivu Programa

Programa Kreditu Mikro Gestaun Finanseira iha KDU nia objetivu principal mak atu fasilita asesu ba kreditu mikro ba membru sira, apoia dezenvolvimentu negósiu ki’ik no família, promove gestaun kreditu ne’ebé responsável no transparente, no hasa’e edukasaun finanseira iha komunidade.

Benefísiu ba Membru Sira

Membru sira sei hetan benefísiu hanesan asesu ba kreditu mikro ne’ebé fasil no inkluzivu, apoio ba negósiu ki’ik no investimentu família, sistema gestaun kreditu ne’ebé transparente, konsultasaun no orientasaun finanseira contínua, no ajuda membru sira jere kreditu ho responsabilidade hodi hari’i estabilidade ekonomia iha futuru.

Mensajen Programa

Kreditu Mikro Gestaun Finanseira la’ós deit empréstimu, maibé oportunidade ida atu hametin ekonomia komunidade, apoia negósiu ki’ik, no fó dalan ba independénsia finanseira.

Liuhosi responsabilidade, transparénsia, no solidariedade, KDU hakarak kontribui ba hari’i komunidade ne’ebé forte, produtivu no sustentável.