Kona-ba Programa

KDU fó prioridade boot ba Servisu Komunidade hodi kontribui diretamente ba bem-estar no dezenvolvimentu sosial iha área lokal. Programa ida ne’e kria atu hametin solidariedade, ajuda malu, no partisipasaun ativa membru sira iha atividade ne’ebé benefisia komunidade tomak.

Kooperativu Dezenvolvimentu Umanu (KDU) organiza servisu komunidade hanesan atividade sosial, apoio ba família vulnerável, kampaña edukasaun, no kontribuisaun ba projetu lokal. Liuhosi servisu ida ne’e, KDU hakarak kria impaktu pozitivu ne’ebé bele sente diretamente iha moris komunidade.

Servisu Komunidade mos sai parte importante iha KDU nia vizaun atu hari’i sociedade ne’ebé forte, inkluzivu no sustentável, hodi bele hamenus desigualdade no aumenta oportunidade ba ema hotu.

Objetivu Programa

Programa Servisu Komunidade iha KDU nia objetivu principal mak atu hametin solidariedade iha komunidade, apoia família no grupu vulnerável, promove partisipasaun membru iha atividade sosial, no kontribui ba dezenvolvimentu lokal ne’ebé sustentável.

Benefísiu ba Membru Sira

Membru sira sei hetan benefísiu hanesan oportunidade atu kontribui ba komunidade, hametin relasaun sosial, aumenta spiritu solidariedade, aprende responsabilidade sosial, no sai parte iha mudansa pozitivu iha área lokal.

Mensajen Programa

Servisu Komunidade mak baze importante ba hametin unidade no solidariedade. Liuhosi ajuda malu no partisipasaun ativa, KDU hakarak kontribui ba hari’i komunidade ne’ebé forte, inkluzivu no iha spiritu ajuda malu.